الرئيسية
أحدث الصور
من طرف عشان تعيش..إدفع بقشيش
تختلف المسميات ولكن المعنى واحد وتختلف العبارات ولكن المغزى منها اكيد واضح يعنى البقشيش هو نفسه التيبس وعندما يقول أحدهم:فين الحلاوه بتاعتى هى نفسها ان قال:والشاى والسكر يا بيه؟
وهناك ايضاً من يطلب منك عرقه يعنى فلوس مقابل تعبه..وتسمع من العبارات ما فى ظاهرها تقديرواحترام وفى باطنها طلب انك تخلى عندك زوق ودم وتدفع بقشيش
مثلا:
اى خدمه يا افندم والله حضرتك شرفت المكان وانت طبعاً فاكر ان ده مدح ومش فاهم ان القصد ( خلى فى عينك حصوة ملح وهات بقشيش بقى)
أو تحت أمرك ياباشا ..تأمر باى حاجه تانيه؟؟ وانت فاكر انك بقيت بيه وباشا صحيح تقوم( تبتسم وتنفش ريشك وكأن الموضوع مش موضوعك وواخد بعضك ومطنش ال ريقه نشف سلامات وتحيات من الصبح ومش فاهم انه عايز منك تديله حاجه)
مع السلامه يا هانم نورتى... المحل محلك.. مع السلامه وطبعاً لو الهانم مدفعتش المعلوم يبقى نفسه يقولها : فى داهيه يا هانم )
ال يغيظ بجد ان الموضوع كبر وخرج من تحت السيطره ليصبح جزء من ميزانية كل جيب و وتعالوا سوا نحسبها ...
نص جنيه على الصبح كده بس عشان تلاقى مكان تركن فيه فى باركينج الشغل..ولا المول...وشوف من جنيه لاتنين للأوفيس بوى عشان تعرف تشرب فنجان قهوة ليه وش وشاى مظبوط والحاجه الساقعه تجيلك ساقعه...
وانت مروح تلاقى السايس رافع المساحات وجايب الفوطه الزفره اياها وعمال يرسم سريالى على الزجاج الأمامى ويقولك:أيوه يا باشا ..أيوه يا بيه وانت طبعاً لازم تبقى زوق وتدفع نص جنيه كمان.
عندك عزومه بالليل و المدامولا الست الوالده طلبت منك تجيب تورته وانت مروح ..تجيب التورته والبنت فى المحل تحطها فى العلبه وتلفها وانت تدفع الشيك إوعى تنسى تلاته جنيه مع شيك الإستلام إوعى أقل من كده ما انت جايب تورته تاكلها بالهنا والشفا بالشىء الفلانى ..انت حر هاتاخدلك نظره إحتقار شديده وكأنها بتقولك:آه يا بخيل يا جلده
المهم اوعى تنسى كمان لو هاتجيب شوية بقاله ولا طلبات من السوبر ماركت نص جنيه عشان الجبنه الرومى تتقطع كويس و البسطرمه تترص فى طبق وتتلف بشياكه ولما تروح على الخزينه ماتنساش الولد ال واقف يرص الطلبات فى الشنط البلاستيك لو فاضل معاك فكه وبالمره خليه يشيل الأكياس لحد العربيه مانت دافع دافع...
كام الحسبه كده؟؟؟ حوالى سبعه جنيه ونص دا طبعاً غير لو فى البيت اى حد طلب اى حاجه هوم دليفرى نص جنيه للصيدليه وجنيه للبواب لما يجيب عيش من الفرن (شوف بقى بعتوا تجيبوا حاجات كام مرة النهارده؟؟؟)
يبقى فتح مخك وخليك شيك و جنتل ان كان فى الكافى مع البنت بتاعتك او المطعم ده لو معاك فلوس اساسا تروح مطاعم او حتى السنيماوواخد الاموره تفسحها شخشخ جيبك وبلاش تبقى بخيل وامشى بالمثل ده (( وعشان تعرف تعيش لازم تدفع بقشيش.))
تختلف المسميات ولكن المعنى واحد وتختلف العبارات ولكن المغزى منها اكيد واضح يعنى البقشيش هو نفسه التيبس وعندما يقول أحدهم:فين الحلاوه بتاعتى هى نفسها ان قال:والشاى والسكر يا بيه؟
وهناك ايضاً من يطلب منك عرقه يعنى فلوس مقابل تعبه..وتسمع من العبارات ما فى ظاهرها تقديرواحترام وفى باطنها طلب انك تخلى عندك زوق ودم وتدفع بقشيش
مثلا:
اى خدمه يا افندم والله حضرتك شرفت المكان وانت طبعاً فاكر ان ده مدح ومش فاهم ان القصد ( خلى فى عينك حصوة ملح وهات بقشيش بقى)
أو تحت أمرك ياباشا ..تأمر باى حاجه تانيه؟؟ وانت فاكر انك بقيت بيه وباشا صحيح تقوم( تبتسم وتنفش ريشك وكأن الموضوع مش موضوعك وواخد بعضك ومطنش ال ريقه نشف سلامات وتحيات من الصبح ومش فاهم انه عايز منك تديله حاجه)
مع السلامه يا هانم نورتى... المحل محلك.. مع السلامه وطبعاً لو الهانم مدفعتش المعلوم يبقى نفسه يقولها : فى داهيه يا هانم )
ال يغيظ بجد ان الموضوع كبر وخرج من تحت السيطره ليصبح جزء من ميزانية كل جيب و وتعالوا سوا نحسبها ...
نص جنيه على الصبح كده بس عشان تلاقى مكان تركن فيه فى باركينج الشغل..ولا المول...وشوف من جنيه لاتنين للأوفيس بوى عشان تعرف تشرب فنجان قهوة ليه وش وشاى مظبوط والحاجه الساقعه تجيلك ساقعه...
وانت مروح تلاقى السايس رافع المساحات وجايب الفوطه الزفره اياها وعمال يرسم سريالى على الزجاج الأمامى ويقولك:أيوه يا باشا ..أيوه يا بيه وانت طبعاً لازم تبقى زوق وتدفع نص جنيه كمان.
عندك عزومه بالليل و المدامولا الست الوالده طلبت منك تجيب تورته وانت مروح ..تجيب التورته والبنت فى المحل تحطها فى العلبه وتلفها وانت تدفع الشيك إوعى تنسى تلاته جنيه مع شيك الإستلام إوعى أقل من كده ما انت جايب تورته تاكلها بالهنا والشفا بالشىء الفلانى ..انت حر هاتاخدلك نظره إحتقار شديده وكأنها بتقولك:آه يا بخيل يا جلده
المهم اوعى تنسى كمان لو هاتجيب شوية بقاله ولا طلبات من السوبر ماركت نص جنيه عشان الجبنه الرومى تتقطع كويس و البسطرمه تترص فى طبق وتتلف بشياكه ولما تروح على الخزينه ماتنساش الولد ال واقف يرص الطلبات فى الشنط البلاستيك لو فاضل معاك فكه وبالمره خليه يشيل الأكياس لحد العربيه مانت دافع دافع...
كام الحسبه كده؟؟؟ حوالى سبعه جنيه ونص دا طبعاً غير لو فى البيت اى حد طلب اى حاجه هوم دليفرى نص جنيه للصيدليه وجنيه للبواب لما يجيب عيش من الفرن (شوف بقى بعتوا تجيبوا حاجات كام مرة النهارده؟؟؟)
يبقى فتح مخك وخليك شيك و جنتل ان كان فى الكافى مع البنت بتاعتك او المطعم ده لو معاك فلوس اساسا تروح مطاعم او حتى السنيماوواخد الاموره تفسحها شخشخ جيبك وبلاش تبقى بخيل وامشى بالمثل ده (( وعشان تعرف تعيش لازم تدفع بقشيش.))
